"पुण्यासारख्या शहरात राहताना राहण्याची, खाण्याची सोय करणे अवघड आहे. माझ्यासारख्या आर्थिक अडचणी असलेल्या मुलाला तर हे अधिक जाणवते. अशावेळी ओबीसी विद्यार्थ्यांसाठी असलेल्या आधार योजनेबद्दल विद्यार्थी हक्क समितीने माहिती दिली. तसेच अर्ज भरण्यास मदत केली. विद्यार्थ्यांना अशा अनेक योजनांबद्दल माहिती देण्याचे कार्य समिती करते. ही विद्यार्थी हिताची चळवळ सुरू असल्याने विद्यार्थी शिकून पुढे जात आहेत. त्यामुळे विद्यार्थी हक्क समितीचे मनःपूर्वक आभार."

विद्यार्थी हक्क समिती खूप चांगलं काम करत आहे संपूर्ण महाराष्ट्रातील विद्यार्थ्यांपर्यंत विविध शासकीय योजनांची माहिती त्याचबरोबर विद्यार्थ्यांच्या कला,गुणांना चालना मिळण्यासाठी सुद्धा प्रयत्न करत आहे तरी अनेक विद्यार्थ्यांनी समितीचे जुळून राहिले पाहिजे धन्यवाद.

"विद्यार्थ्यांच्या समितीचे कार्यपद्धती खूप शिस्तप्रिय आहे. समितीतील सर्व पदाधिकारी विद्यार्थ्यांच्या हक्कासाठी तळमळीने कार्य करत असतात. कोणत्याही विद्यार्थ्यावर अन्याय होऊ नये यासाठी समिती दिवस-रात्र मेहनत करते. समितीतील सर्व उपक्रम सुनियोजित व वेळेत पार पडतात. विद्यार्थी एक समिती ही इतर संघटनासाठी एक आदर्श उदाहरण बनले आहे."

"विश्वरत्न डॉ बाबासाहेब आंबेडकर विद्यार्थी समिती विविध उपक्रमातून समाज प्रबोधन करत असते. एक जानेवारी 2025 रोजी भीमा कोरेगाव या ठिकाणी शासकीय योजनांचा जागर व रक्तदान शिबिर हे दोन उपक्रम योग्य प्रकारे आयोजित केले होते.तसेच शासकीय योजनांचा जागर करणारे एक पथनाट्य देखील सादर केले होते.अशा प्रकारे विद्यार्थ्यांच्या हितासाठी समिती वेळोवेळी उपक्रम आयोजित करत असते."