बार्टी, टीआरटीआय, सारथी, महाज्योती व आर्टी या संस्थांमार्फत त्यांच्या लाभार्थी गटाच्या आर्थिक तसेच सामाजिक विकासाकरिता विविध प्रकल्प, योजना तसेच विविध स्पर्धा परीक्षा पूर्व प्रशिक्षण कार्यक्रम राबविले जातात. सन २०२५-२६ करीता स्पर्धा परीक्षा पूर्व प्रशिक्षण कार्यक्रम राबविण्यासाठीची जाहिरात दि. २९/०७/२०२५ व दि.३०/०७/२०२५ रोजी बार्टी संकेतस्थळावर तसेच विविध वर्तमान पत्रात प्रसिद्ध करण्यात आलेल्या आहेत. त्या अनुषंगाने इच्छुक उमेदवारांनी बार्टी संकेतस्थळावर उपलब्ध करून दिलेल्या लिंकवर जाऊन ऑनलाइन अर्ज दि.२०/०८/२०२५ पर्यंत सादर करणेबाबत सूचना देण्यात आलेल्या होत्या. तसेच दि.२८/०८/२०२५ पर्यंत ऑनलाईन अर्ज सादर करण्यासाठी व दि.२९/०८/२०२५ व दि.३०/०८/२०२५ या दोन दिवसांच्या कालावधीत उमेदवारांना त्यांच्या ऑनलाईन अर्जातील ठराविक बाबी दुरुस्त करण्यासाठी व अर्जाची प्रिंट काढण्यासाठी मुदत देण्यात आलेली होती.
सदर घोषणापत्रकाद्वारे बार्टी, सारथी, महाज्योती व आर्टी या संस्थांच्या उमेदवारांना ऑनलाईन अर्ज सादर करण्यासाठी दि. ३०/०८/२०२५ पर्यंत मुदतवाढ देण्यात येत आहे. तसेच दि. ३१/०८/२०२५ या एक दिवसाच्या कालावधीत उमेदवारांना त्यांच्या ऑनलाईन अर्जातील ठराविक बाबी दुरुस्त करण्यासाठी व अर्जाची प्रिंट काढण्यासाठी मुदत देण्यात येत आहे. याची सर्व उमेदवारांनी नोंद घ्यावी. असे आवाहन महासंचालक सुनील वारे, डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे तथा सदस्य, स्पर्धा परीक्षा पूर्व प्रशिक्षण यांनी केले आहे.
